Liewe gemeente,

Daar is `n ou-ou verhaal van `n Sultan wat twee diewe ter dood veroordeel. Hy gee egter vir hulle `n kans: as hulle sy perd kan leer praat binne `n jaar, sal hy hulle lewens spaar. Anders is dit julle einde. Die eerste dief erken vir die Sultan dat hy nie perd kan leer praat in `n jaar nie. Hy word na buite gelei, en terwyl hy op sy lot wag, sien hy die tweede dief uitstap as `n vry man. "Is jy mal? vra hy hom. Binne `n jaar is jy `n dooie man! Jou vryheid is niks werd nie!". Die ander dief het geglimlag en geantwoord" `n jaar is `n lang tyd. Dinge kan  verander. Ek kan skielik doodgaan, en net so kan die Sultan een aand in sy slaap doodgaan. Ons weet nie. As nie een van ons sterf nie, wel dan het ek `n jaar om die eerste persoon te word wat `n perd leer praat!". 

Dinge verander. Die engelse het `n spreekwoord"This too shall pass". Ons sien hierdie gedagte in Psalm 126. Die psalmdigter hoop dat God die volk se lot sal verander. In die tweede strofe van die psalm lees ons die volgende"Wie met trane saai, sal die oes met `n gejuig inbring. Al loop hy en huil, terwyl hy die saaisak dra, hy kom juigend terug terwyl hy sy gerwe dra". Met ander woorde: God is in beheer van die seisoene, en net soos daar `n saaityd is, is daar ook `n oestyd wat kom. Soos God in beheer is van die seisoene, so is Hy in beheer van die seisoene van my lewe. Ons kan nooit net vaskyk in die probleme van hier en nou nie. Lees weer Psalm 126 en hoe God ingryp in ons lewens.

Gebed:Kom ons dank God vir die feit dat Hy ons lewens in sy hand hou. Ons bid vir wysheid, sodat ons nie in die huidige uitdagings vaskyk nie, maar sal vertrou op God wat die seisoene in sy hande hou. 
Groete!
Ds Johan

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more