Liewe gemeente,

Daar is `n spreekwoord wat só klink:"Smoke what you sell!" Ek het `n vermoede dat hierdie sêding uit die bemarkingswêreld kom, waar bemarkers opgeroep word om te glo in die produkte wat hulle verkoop. Ek ry vandag by soveel Kerke verby waar hulle aankondig dat eredienste vir tyd en wyl afgestel is. Beteken dit dat die Kerk toé is? Nee, natuurlik nie...

Ons preek mos al vir eeue dat die kerk nié die gebou is nie, maar dat ons die kerk is. Partykeer verwoord ons dit  met Paulus se mooi beeld:ons is die liggaam van Christus. Wel, ons kry nou tyd om te bewys dat ons dit regtig gló. Die eredienste gaan nie voort in die gebou nie, maar óns is mos in elk geval die eredienste. Die Suid-Afrikaanse filosoof Martin Versfeld het êrens geskrywe:" Soos jou Kerk lyk, só lyk jou God". In vandag se konteks lees ek dit dan:"soos ek lyk, só lyk my God".

Wat beteken dit vandag vir ons? In ons tyd van inperking beteken dit dat ek in my huis met vrede, geduld,vreugde en vergifnis sal leef. Dit beteken ook dat ons mekaar sal respekteer en verdra. Verder beteken dit dat ons mekaar sal opbou met hoop. As ons af en toe winkels toe gaan, beteken dit dat ons bedagsaam sal wees, en nié selfsugtig sal optree nie. As ons met hierdie gesindheid leef, dan is die Kerk mos sigbaar!

Kom ons aanvaar die uitdaging: "Smoke what you sell!"
Leef in vrede en met vreugde!
Ds Johan
Gemeentenuus: Tannie Zuna Vermaak sterk goed aan. Behalwe vir `n allergiese reaksie van die pleisters, is daar geen komplikasies nie. Ons bid vir spoedige herstel. Sterkte, oom Con!
Aankondiging: Agv die inperking, sluit die kerkkantoor môremiddag (Donderdag 26 Maart). In geval van siekte of nood, kontak gerus een van die leraars.


Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more