Liewe gemeente,
Ek moes gister noodgedwonge die paniek-koop in die hartjie van Pretoria-Noord aandurf. Ek moes seker maak dat ons genoeg skryfbehoeftes het vir die volgende paar weke(nogal `n uitdaging om `n 5-jarige besig te hou tydens inperking..). Ek loop twee lidmate op pad winkel toe raak, en ons raak aan die gesels. Een van die lidmate spreek haar hartseer uit dat ons nie Paasfees sáám as gemeente kan vier nie. Sy mis die saamwees. Gisteraand lees ek `n artikel op "Christianity Today" , `n toonaangewende christelike webwerf. Ek merk `n artikel met die titel:"An Easter without going to Church" (https://www.christianitytoday.com/ct/2020/march-web-only/easter-without-church-covid-19-coronavirus.html).  In dié artikel verduidelik die outeur, Daniel Harrell, dat die eerste christene die eerste Paasfees in verstrooiing moes beleef, en ek begin dink...


Ons probeer al lank of die die simboliek van Lydenstyd en Paasfees relevant te maak. Die Rooms-Katolieke is deurdrenk met simboliek, en daarom kom dit maklik vir hulle. Ons pogings om die simboliek te waardeer kom dikwels geforseerd en vlak uit, want die is nie regtig deel van ons geloofstradisie nie. Hierdie Paafees is egter anders. Ons omstandighede dwing ons om letterlik te beleef hoe die eerste christene moes gevoel het. Weerloos, onseker, en bang. Skielik kry ons geleentheid om ongemak in Lydenstyd (die inperking!) te beleef. Verder kry ons die geleentheid om Paasnaweek self soos die eerste christene te kan beleef.
Die artikel eindig met hierdie mooi woorde:"Turn to the Easter story proper and you find remarkable silence, the greatest in all Scripture. Nowhere does the Bible offer a description of the Resurrection itself, no language telling us how exactly how it happened, no speculation as to what went on in the tomb that first Easter morning. Instead, the risen Jesus simply and shockingly shows up to his disciples huddled in fear. In time, this merry band of uneducated fishermen, outcasts, and losers upended the Empire. Salvation arrived for all believing humanity. Read to the end of the New Testament, and this same gospel redeems the entire cosmos. All of this emanates out of a glorious emptiness we celebrate Easter morning, whether gathered or scattered"
Amen! Wat `n geleentheid en voorreg!
Ds Johan
NB: Luister saam na ons eredienste deur Sondag rondom 09:00 deur op die volgende skakel te kliek: http://s44.myradiostream.com:7234/listen.mp3.  Skakel gerus vroeër in-daar sal gewyde musiek speel.



Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more