GEDAGTE VIR DIE DINSDAG
Nou ja, die herstelwerk aan die deure het begin. Eerste taak is om al die gedeeltes
wat verrot het, uit te saag. Dieselfde met al die gedeeltes waar daar sommer
“gemorshout” ingelas is. Dit is nogal ‘n “pynlike” proses, want skielik is daar gate in
die deur en die deur wat aanvanklik so mooi gelyk het, lyk nou gladnie meer so mooi
en foutloos nie.
Verder is dit nogal ‘n proses om ander Oregon in te las. Dit moet so gedoen word dat
die deur nie op die ou einde laslappie lyk nie. Soms moet ‘n hele paneel uitgesny
word en met ‘n nuwe paneel vervang word. Hierdie nuwe gedeelte moet dan baie
sorgvuldig ingelas word om as’t ware in te smelt by die oorspronklike hout. Dit is ook
nie akltyd moontlik om die laste “flush” te kry nie. Dan moet die skuurmasjien nader
getrek word om dit reg te kry.
Die ongelooflike hiervan is dat, as jy klaar is daarmee, daar niks meer sigbaar is van
die ou verrotte gedeeltes en die goedkoop hout wat ingelas is nie. Die deur is nog
ver van finaal afgewerk, maar die verrotte hout en die hout wat nie gepas het nie, is
heeltemal weg.
Soos ek gister gesê het, ons kan nog vir mense ons foute en swakplekke wegsteek,
deur alles mooi toe te verf. Vir God kan ons egter nie. Hy kyk deur die mooi omhulsel
en sien die foute en die swakplekke. Dan is dit nodig dat ons God toelaat om ons te
herstel en soms is dit inderdaad ‘n pynlike proses. God moet die verrotte gedeeltes
uitsaag en die “gemorshout” met egte hout vervang. In hierdie proses voel ons
baiemaal blootgestel en dit is juis dit wat so pynlik kan wees. Om te moet erken dat
ek vol “flaws” is en dat dit reggemaak moet word, is nie so maklik nie.
Die wonderlike is dat die eindproduk dit die moeite werd maak. Skielik is die deur
weer stewig en “nuut”. Die deur kan aanslae soos reën weerstaan. Wat meer is, dan
kan mens begin om die deur af te rond en mooi te maak, want die basiese struktuur
van die deur is nou weer reg ….
Meer daaroor op Woensdag
Ds Gerrie
Ons vra voorbidding:
 Hans en Gene Grundlingh is op ‘n boot vasgekeer in Italië, agv die Korona
virus. Stuur asb vir hulle ‘n whatsapp van ondersteuning (074 205 0502)
 Koos Basson is gistermiddag oorlede na ‘n baie lang stryd teen kanker. Bid
asb vir Mareze en sy kinders

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more