GEDAGTE VIR WOENSDAG (22 APR)

Die Saaier (daar word waarskynlik na Jesus self verwys) gaan uit om te saai. Die saad val op verskillende plekke. Die eerste plek wat genoem word, is die pad. Natuurlik dink ons nie aan paaie soos in ons tyd nie, beslis nie ‘n teerpad nie. Die punt is egter dat dit ‘n harde oppervlakte is waar die saad geen kans het om te ontkiem en wortel te skiet nie.

Wanneer Jesus self die gelykenis verduidelik, doen Hy dit so. Die saad wat op die pad val, verwys na mense wat die Evangelie hoor, dit nie (wil) verstaan nie, en dan kom die voëls (Satan) en vat die saad weg.

Dit is maklik om baie “objektief” hierna te kyk en vir onsself te sê: Dit raak my nie eintlik nie, want dit verwys na mense wat doelbewus nie die Woord van God ernstig opneem nie. Hulle is kliphard soos ‘n pad en die Evangelie maak geen indruk op hulle nie. Ek is tog nie so nie! Dit mag wel waar wees, MAAR ….

Die gelykenis funksioneer op twee vlakke. Enersyds word daar verwys na verskillende tipes mense en hoe hulle reageer op die Woord van God. Maar daar is ‘n ander tweede (en belangriker) vlak waarop die gelykenis funksioneer.

Die gelykenis verwys ook daarna dat daar in elkeen van ons by geleentheid “verskillende tipes mense funksioneer”. Dit is dus heeltemal moontlik dat die saad soms by my ook op die pad beland. Omdat dit egter nie is wat ek WIL hoor nie, gaan dit by my verby en die voëls pik dit op. Op hierdie manier is die gelykenis baie “subjektief” en persoonlik en word ons gewaarsku om nie die Woord van die Here by ons te laat verbygaan nie, veral nie as dit van my vra om bepaalde besluite te maak en opofferings te maak nie. As die saad op my klipharde pad val, is dit vermorsde saad ….

Ds Gerrie

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more