Liewe gemeente,

`n Lidmaat sê gister vir my:" hierdie tydperk is moeilik vir die kinders". Ek dink later aan hierdie woorde en begin spesifiek nadink oor die konsep van kindwees. Ek dink veral aan die woorde van Jesus in Mattheus 18 oor kindwees in die konteks van die  koninkryk van God. Mattheus 18 vers 3 lees soos volg: "Dit verseker Ek julle: As julle nie verander en soos kindertjies word nie, sal julle beslis nie in die koninkryk van die hemel kom nie". Let op die volgende vers: "Wie homself gering ag soos hierdie kindjie, hy is die belangrikste in die koninkryk van die hemel". So dikwels lees ons hierdie verse in die konteks dat ons soos kinders moet glo. Ons moet onvoorwaardelik glo , sonder om vrae te vra. Die sosiale agtergrond help ons egter om hierdie vers beter in konteks te verstaan. Die samelewing was georden volgens `n sosiale orde, en kinders was heel onder op die rangorde. Kinders is afhanklik van ouers, en daarom was hulle volgens die sosiale rangorde onbelangrik.
 
Jesus leer egter dat God se koninkryk anders werk. Dit is goed om afhanklik te wees. Soos kinders op hulle ouers moet staatmaak om vir hulle te sorg, só moet ons van God afhanklik wees. Ons leer in hierde inperkingstyd hierdie les op `n duidelike manier. Gister was daar `n asteroiëd op pad aarde toe. Sommige kenners was bang dat die rots die aarde sou tref(asof die virus nie genoeg is nie!). Skielik besef ons weer dat ons ten spyte van ons tegnologiese vooruitgang, steeds hulpeloos is. Ons is van God afhanklik vir genade elke dag. Dit mag vir die wêreld soos swakheid klink, maar dit is die eerste stap om God se koninkryk te verstaan. Ons is van Hom afhanklik, en ons is nie so belangrik as wat ons dink nie.
Mag ons veral in hierdie tyd, ons afhanklikheid van God se genade besef.
Ds Johan



Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more