GEDAGTE VIR MAANDAG (4 MEI)

Ek tel die afgelope paar dae duidelik op dat baie mense gefrustreerd en selfs geïrriteerd raak met die huidige omstandighede ten opsigte van die Lockdown. Ek kan dit nogal verstaan, aangesien ek self ook iets daarvan beleef. Die feit dat ons ingegrendel is, maak dat ons (na ses weke) voel genoeg is nou genoeg. Iemand noem vandag aan my dat dit hom begin vang dat hy nie eers by familie (oupa en ouma, of kinders of kleinkinders) kan uitkom nie, wat nog te sê by vriende. Ek dink dat dit inderdaad besig is om baie van ons se gemoed ‘n bietjie te beïnvloed.

Baie mense beleef ook die hantering van die Lockdown nie baie positief nie. Sedert gister word daar byvoorbeeld kliphard gebrom oor die reëling rondom die verspreiding van kospakkies (om van sigarette nie eers te praat nie !!). Andere is ontevrede met die reëlings ten opsigte van wie MAG werk, en wie nie. Ek gaan myself beslis nie uitlaat oor die meriete van sulke reëlings nie, maar wat ek wel besef, is dat die druk op ons al hoe groter word, hoe langer hierdie situasie voortduur.

Iemand vra my vandag: Nou wanneer mag ‘n Christen dan opstaan en sê tot hiertoe en nie verder nie? Ons moet mos van ons laat hoor as dinge verkeerd gaan, dis ons Christelike plig en verantwoordelikheid ! Ons kan nie net stilbly nie !

Dis ‘n baie moeilike vraag om te beantwoord. Natuurlik moet ons opstaan vir wat ons (in die lig van die Bybel) glo reg en regverdig is. Ek dink wat belangrik is, is HOE ons dit doen. As ons iewers in hierdie proses van “ek stem nie saam nie” ons basiese Christenwaardes gaan prysgee, gaan dit waarskynlik meer skade as goed doen ….

So, hoe dink julle, hoe gaan ons (as Christene) “beswaar maak” teen wat ons as verkeerde optrede / besluite / reëlings sien? Laat bietjie van julle hoor ….

(Asseblief, kom ons maak net nie ‘n politieke issue hiervan nie)

Ds Gerrie

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more