Liewe gemeente,

Dr Gerrie het my gevra om vir die res van die week die dagstukkies te hanteer. Ek doen dit met graagte! Met die oog op Pinkster wil ek graag op die idee van nuwe lewe fokus, maar vir die volgende paar dae wil ek die tema elke keer in verband bring met die visuele. Met ander woorde:ek wil die tema met bekende kunswerke verbind. Met die oog op Pinkster, dink ek vandag aan die bekende kunswerk van Edvard Munch getiteld "The Scream".







Ek dink die meeste van ons kan vandag met hierdie emosie assosieer! Partykeer wil ons net skree van frustrasie. Kenners spekuleer al lankal oor die kunswerk: die vreemde gebruik van oranje, en die feit dat die “persoon” nie geeien kan word as `n man of `n vrou nie. Daar is sommige artikels wat in Munch se verlede probeer indelf, en daar word selfs gespekuleer oor die rol van godsdsdiens agter die frustrasie. Interessant genoeg het Munch in `n gedig `n bietjie lig laat val op die raaisel. Hy vertel hoe hy een aand met sonsondergang saam met vriende gaan stap het. Skielik het hy `n paniek-aanval gekry en hy het hoor "the enormous infinite scream of nature." Die Duitse titel van die kunswerk is dan ook "Der Schrei der Natur". Ons maak dan die afleiding dat dit nie noodwendig die persoon is wat skreeu nie, maar die natuur. Ek dink hierdie is die mooiste beeld van `n stukkende wêreld. (klink baie soos Paulus in Romeine 8). Kyk `n bietjie mooi hoe die kunswerk `n prentjie skets van`n wêreld wat letterlik uitmekaar val(die snaakse kleur van die wolke, die onheilspellende water). Wanneer ons volgende week Pinkster vier, herinner ons mekaar juis dat God die gebrokenheid met Pinkster kom heelmaak. Die wonder van Pinkster is dat God mense gebruik om die gebrokenheid heel te maak.

Kom ons dink vandag aan gebrokenheid in ons eie lewens. Verhoudings met ander wat dalk nie op `n onweerspad is.Gebeure uit my verlede wat my vreugde steel. Bekommernis wat die oorhand oor my kry-hierdie is maar net `n paar voorbeelde. Vandag wil ek net twee vrae vra.  Glo ons regtig dat God kan herskep deur sy Gees? En glo ons waarlik dat God vir my, met al my foute wil gebruik om heel te maak waar daar gebrokenheid is?

Groete
Ds Johan

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more