Liewe gemeente,

Ek wil hierdie week bietjie nadink oor frases wat ons só maklik, sonder dat ons dit besef, heeltemal buite konteks aanhaal. Ek kry onlangs `n mooi boodskap wat eindig met die woorde:"Carpe Diem", oftewel, "Gryp die dag" (Elke keer as ek aan die woorde hoor, dink en aan die film Dead Poet's Society!). Ons gebruik hierdie woorde om te beskryf hoe ons die tyd moet uitkoop en waardeer. Natuurlik is daar niks daarmee verkeerd nie. Die interessante is egter dat ons die res van die sin weglaat. Die woorde kom oorspronklik uit die pen van die Romeinse digter Horatius, wat so geklink het:" Gryp die dag en plaas geen vertroue in die toekoms nie!". Die Engelse digter Lord Byron het dit in die 18de eeu verwoord met die gedagte van: " Gryp die dag, want jy kan van die toekoms niks verwag nie."

As gelowiges is dit belangrik dat ons tyd moet uitkoop, en dat ons noú moet leef,maar ons het darem ook `n toekomsperspektief. Kom ek stel dit anders: ons besef nie aldag dat "gryp die dag" vir baie mense juís betken dat daar géén hoop, géén toekoms is nie. Daarom glo hulle, moet jy gryp en stroop, want binnekort is alles verby. Dit laat my onwillekeurig dink aan die sogenaamde paniek-koop wat ons onlangs tydens hierdie moeilike tyd beleef het. Kom ons stroop die winkels leeg, want môre is daar niks nie! Gelowiges leef met `n ander toekomsperspektief. Ons leef met `n gesindheid van hoop. Dirkie Smit som dit goed op:"christelike tyduitkopers is nie grypers en plukkers nie, maar bouers en planters". In hierdie uitdagende tyd waarin ons nou leef moet hierdié ons lewensuitkyk bepaal. Plant ek, of stroop ek?. Mag ons woorde, ons besluite, en ons uitkyk, in hierdie tyd van hoop getuig. Ons is immers op pad na Pinkstertyd waar ons die feit vier dat God se Gees uit gebrokenheid mense kom heelmaak het.
Groete
Ds Johan




Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more