NG FLORANDIA
19 MEI 2020

Goeie dag aan almal

‘n Paar belangrike sake wat ek met julle wil deel

  1. KOEVERTJIES

Baie dankie aan almal wat verlede Maandag hulle maandelikse dankofferkoevertjies en erediensoffergawes kerk toe gebring het. Dit het ‘n groot bydrae gemaak om ons finansiële “agterstand” te laat krimp. Ons probeer ons bes om ons finansies in stand te hou in ‘n moeilike tyd en lidmate se getroue bydraes maak dit makliker.

As daar nog mense is wat koevertjies wil afgee, is julle welkom om my te kontak (082 940 5453). Ons sal einde Mei weer ‘n geleentheid by die kerk skep.

  1. PINKSTER

Ons Pinksterreëlings vir die Lockdown tyd is as volg:

Op Sondag 24 en 31 Mei gaan ons Pinksterdienste in samewerking met Florauna gemeente aangebied word:

  • Sondag 24 Mei om 09h00
Ds Frikkie du Plooy

Die skakel sal ook Saterdag per sms uitgestuur word

  • Sondag 31 Mei om 09h00
Ds Johan Wildenboer

Die skakel sal ook die Saterdag voor die diens per sms uitgestuur word

Die vier weeksdae (Maandag 25 tot Donderdag 28 Mei) sien anders daar uit. Daar sal elke dag ‘n kort diens uitgesaai word. Elke dag sal sy eie unieke skakel (“link”) hê. Jy kan enige tyd van die dag daarna luister (ons is bewus daarvan dat sekere mense reeds weer werk en nie op ‘n vaste tyd sal kan luister nie).

Die skakel sal reeds die aand voor die betrokke dag uitgestuur word, maar ek gee dit ook hieronder. Die prosedure is dieselfde, jy kliek net op die skakel. Onthou asb dat dit eers aktief is op die betrokke dag, en daarna aktief bly vir so drie of vier dae.

Hierdie dienste sal ook vir die ander gemeentes van ons Ring beskikbaar wees. As jy die skakel vir enige ander persoon wil stuur, is jy baie welkom.

Die vier dienste sal deur ds Gerrie Strydom hanteer word.

OORKOEPELENDE TEMA

GROEI EN BLOM WAAR JY GEPLANT IS ….

MAANDAG 25 MEI 2020
Tema: Om te kan groei, moet ‘n plant stewige wortels hê

DINSDAG 26 MEI 2020
Tema: Plante moet bemesting kry om gesond te kan groei

WOENSDAG 27 MEI 2020
Tema: Plante moet beskerm word teen aanslae

DONDERDAG 28 MEI 2020
Tema: Plante moet soms gesnoei word

Ons wil julle graag uitnooi om by ons Pinksterdienste in te skakel


Mag dit met julle almal goed gaan.
Ds Gerrie

Comments

  1. UnknownMay 21, 2020 at 10:52 PM

    Dankie ds Gerrie. Ons bid dit ook vir jou en jou gesin

    ReplyDelete

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more