Ek wil vandag verder dink rondom die idee dat ons nuwe mense is. Ons het dit só mooi bely en gevier tydens die afgelope Pinksterfees. Vandag wil ek dit oordink aan die hand van `n bekende Bybelverhaal wat vertel van `n episode uit Jakobs se lewe.

Eers is `n bietjie agtergrond nodig. Jakob se naam beteken "aan die hakskeen gegryp" of "bedrieër". Albei hierdie karaktertrekke was in sy lewe teenwoordig. Tydens sy hulle geboorte het hy sy tweelingbroer Esau, aan die hakskeen gegryp om sodoende eerste gebore te word (Gen 25:26). Die bedrieër-eienskap was nét so teenwoordig in sy lewe. Jakob het sy familie so bedrieg, en daarmee uitmekaar geskeur, dat hy moes vlug na `n ander land (Gen 28). Daar bly hy by sy oom, Laban, en hy verkul hom ook! Jakob keer uiteindelik terug na sy geboorteland, ná `n lewe van familieskandes en seerkry. Voordat hysy geboorteland kon ingaan, moes hy die grens by die Jakobdrif aan di Jordaanrivier oorsteek. Hier vind `n interessante en ingrypende gebeurtenis plaas. Sien die uitbeelding van Alexander Lois Leloir getiteld "Jacob Wrestling with the Angel"(1865).

 

Genesis 32

Jakob stuur sy familie solank deur die drif en oornag op die oewer van die rivier. Skielik word hy wakker wanneer die Here met hom veg (die teks lees dat `n man met hom veg, maar die onknoping in vers 28 dui daarop dat dit die Here is). Tipies van Jakob se manipulerende persoonlikheid vereis hy `n seën voordat hy die Here uiteindelik sal los. So verander sy naam na Israel. In die Antieke tyd was `n mens se naam aan jou karakter gekoppel. Tot dusver het Jakob sy naam van bedrieër gestand gedoen. Nou verander sy naam, en daarmee sy karakter. Die teks lees in vers 31 "Net toe Jakob by Pniël verbygaan, het die son opgekom "`n Sonsopkoms simboliseer `n nuwe dag. Jakob is nou `n nuwe mens.

Ons sê baiekeer: hy/sy sal nooit verander nie! Ons sê dit baiekeer uit moedeloosheid en frustrasie. Ons bely egter dat God mense kan nuut maak. Glo ons dit regtig? Selfs in Jakob se geval het sy familie waarskynlik nié geglo dat hy verander het nie. Die Jakobverhaal toets ons geloof. Glo ons dat Jakob(en daarmee enigiemand) kan verander? Die manier waarop ons hier antwoord, verraai hoe ons oor christenskap dink. Ons definisie van Pinkstertyd, en alles wat daarmee gepaard gaan, hang af ons ons hierdie woorde glo. Kom ons lees môre verder en vind uit of Jakob regtig verander het. Ek laat julle steeds met die vraag om bietjie te oordink :glo jy regtig dat mense kan verander?
Ds Johan

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more