Goeie môre gemeente.
Dit is weer my voorreg om hierdie week saam met julle te kuier. Ons gaan ‘n
bietjie in die Bybel kuier en ook in die wêreld rondom ons.
Ons gaan vanoggend stilstaan by die begrip wat hier in my gedagtes lê plek
soek.: “Ons moet bereid wees om vir God die antwoord te wees op ‘n ander se
gebed.”
Jakobus skryf dat ‘n geloof wat net hoorbaar is maar nie sigbaar is nie, is
nutteloos. Ek en my kollegas herinner onsself en vir julle gereeld daaraan dat
Sondag se erediens is n viering van Christus se opstanding maar ook ‘n stuur
om briewe vir God te gaan wees wat die wêreld kan lees.
‘n Brief is mos ‘n privaat saak tussen die skrywer van die brief en die leser. Ons
moet onthou ons is net die brief vir God en die saak is tussen God en die
onbekende leser. Ons taak is net om die liefde van God reg te lewe sodat dit die
leser ten goede kan wees.
En dan soms laat God ons sien wat die uitkoms is wanneer iemand die brief lees
en bely, God het my gebed vannaand verhoor nou weet ek dat Hy waarlik leef.
Kom ek vertel julle van so ‘n geleentheid.
Toentertyd was Vrydagaande sommer net ontspantyd saam met die jeug. Dit
was nog veilig om saans in die strate rond te loop. Ons het dan soms met die
ghitaar onder die straat ligte gestap en die Rooiboekie se liede gesing.
Die aand het ons besluit om by die vierrigting stop in Leneatastraat te begin. My
vriend Hennie Gerber was nog met ons daardie tyd. Daar staan ons met ‘n
klomp van ons gemeente se jeug en ons singlofprysings liede onder die straatlig.
‘n Klein Datsun bakkie draai toe in van Daan de Wet Nel Rylaan se kant af en
ry stadig by ons verby en stop so 30 meter anderkant ons. ‘n Jong man klim uit
en gaan sit in die pad en ons sien hoe hy sy kop vashou en huil. Hennie gaan
haal hom toe en huilend vertel hy ons, hy kon God nêrens sien nie, en was
desperaat in n geloofskrises. Hy het sommer net doelloos rondgery en toe gebid:
Here as ek U nie vannaand kan sien dan gaan ek ‘n einde maak aan alles. En sê
hy hier in die straat sien hy die werklikheid van God se bestaan waar ‘n klomp
jongmense God loof en prys...so word die jongmense God se antwoord op die
jongman se gebed....
Vrede vir julle
Cois

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more