Vandag wil ek `n bietjie prakties dink rondom ons optrede as nuwe mense. Ons word in hierdie tyd meer afhanklikvan sosiale media om met mekaar te kommunikeer. Alhoewel hierdie platforms vir ons help, is dit ongelukkig ook `n bron van bekommernis. Afbrekende stories(in die meeste gevalle sonder enige bewyse) word rondgestuur. Lelike dinge word gesê, en dit in die meeste gevalle sal persone dit nie in die publiek doen nie, maar dit s asof hulle voel dat hulle beskerm word deur dit op sosiale media te doen! Ek het `n artikel gelees waar die outeur drie riglyne gee vir christene in hierdie tyd( www.christianitytoday.com/edstetzer/2020/june/conspiracy-theories-engaging-online-and-wisdom-intersection.html).

In die eerste plek moet ons die vraag beantwoord: is Jesus Christus die Here van jou sosiale media? Ons kan nie ons geestelike lewe losmaak van ons optrede op die internet nie. Die verhale wat ons aanstuur, en die manier waarop ons met mekaar praat, moet in lyn wees met ons identiteit as gelowiges.

In die tweede plek moet ons meer tyd maak om vir wysheid te bid. Ons kan elke oggend vir die Here vra vir wysheid om reg te op te tree gedurende die dag. Die gebed om wysheid maak ons ook meer nederig. Ons erken daarmee dat God ons gedagtes en dade lei.

In die derde plek moet ons soms bietjie stiltstaan. Ons is so gewoond om in die hitte van die oomblik te reageer. Raak rustig. Bid oor die saak. As jy dan rustig is en dit mooi oordink het, kan jy reageer. Baie mense was al spyt omdat hulle té vinnig en té hard gereageer het. Ons kan nie ons woorde uitvee of terugtrek as dit eers gestuur is nie.

Christenskap het te maak met ons alledaagse lewe. Kom ons leef op hierdie manier as nuwe mense.
Groete
Ds Johan






Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more