Liewe gemeente,

Ek luister laasweek hoe `n sielkundige vertel van die eise wat die Covid 19-pandemie aan ons stel. In die sielkunde praat hulle van "Gestalt", `n moment waar mens by jou situasie in die oë kyk en by `n tipe van `n resolusie uitkom. Sy noem dat ons in die huidige pandemie nié `n toekomsperspektief het nie, omdat dit bloot onmoontlik is om te bepaal hoe dinge oor `n maand (of selfs `n week!) van nou af gaan lyk. Omdat ons nié met `n toekomperspektief leef nie, kan ons nie by die "Gestalt" uitkom nie. In die lig daarvan, wil ek vandag so bietjie oor die toekoms dink en by die profeet Esegiël stilstaan.

Die profeet Esegiël bevind hom saam met die ballinge in Babilonië. Die boek Esegiël verwoord die volk se poging om sin te maak van die ballingskap. In hoofstuk 47 (die voorlaaste hoofstuk) lees ons van `n nuwe Jerusalem. Die hoofstuk vertel hoe `n stroompie water vanuit die tempel uiteindelik die `n watermassa sal word en genesing bring in die land. Ons kry `n verwysing van bome wat langs die water sal groei. Hierdie bome sal heeltyd vrugte dra en die blare sal genesing sal bring vir die mense (Eseg 47:12). Die beeld van die bome klink soos die paradysverhaal (Gen2-3), maar ook soos die boek Openbaring, wat ook vertel van bome wat langs die water groei, en wat genesing bring vir die mense (Op 22:2). Die boek Esegiël sluit af met die woorde (in verwysing na die nuwe Jerusalem): "Die omtrek van die stad moet nege kilometer wees, en sy naam moet van vandag af wees: Die Here is daar"(Eseg 48:35).

Die verband tussen Esegiël en Openbaring is belangrik. Ons lees in Openbaring ook van `n toekomsvisie, waar die mense uitsien na eendag. Toekomsvisie is belangrik. Ons kan nie net van dag tot dag leef met géén toekomsverwagting nie. Ons moet glo dat God vir ons `n nuwe toekoms skep, en dat ons op pad daarheen is. Hierdie gedagte het die volk in die ballingskap hoop gegee. Mag dit vir ons ook hoop gee vandag.

Groete
Ds Johan


Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more