Liewe gemeente,

Ons dink steds rondom die tema van ons lewe as `n erediens. Vandag fokus ons op die element van offergawe, wat `n belangrike rol in ons eredienste speel.

Ons lees in Deuteronomium 26 van `n interessante ritueel in ou Israel. Hulle het as deel van `n oesfees elke jaar die eerste opbrengs van die oes na die heiligdom gebring om aan die Here te offer. Die gedagte agter hierdie gebruik lê daarin dat die Here die erkenning kry vir die oes. Die boere wéét dat hulle uitgelewer is aan die elemente van die natuur, en daarom is hulle dankbaar as die oes `n sukses is. Die offer van die eerstelinge van die oes is `n manier om God die eer vir die opbrengs te gee. Die volk het dit egter nie daar gelaat nie. Deuteronomium 26 lyk amper soos `n geloofsbelydenis(v5-9). Sommige kenners meen die hoofpunte van Israel se geskiedenis by hierdie fees geresiteer is as `n geloofsbelydenis. Hulle godsdiens, en daarmee hulle belewenis van God se ingrype in hulle lewe en in hulle geskiedenis, was dus deel van die hierdie offer. Let egter op hoe radikaal die belydenis is. Elke drie jaar is `n jaar van tiendes (v12-13). Dan moet `n tiende van die jaar opsy gesit word vir dié wat niks het nie (Die Leviet en die weduwee). Hier lê weereens `n gedagte dat dit nie mý grond of mý besittings is nie, maar dat dit aan die Here behoort. Die belydenis maak ook ruimte om aan dié te dink wat minder het.

Ek dink steeds aan Florandia lied 90, want dit verwoord dit eintlik baie mooi: "My hele lewe moet vir u `n offer wees". Die idee van `n offer sluit aan by die gedagte dat God in beheer is, dat Hy vir ons sorg, en en dat Hy die dank en erkenning kry. Om hierdie rede offer ek iets van myself op, om daarmee te erken dat alles aan God behoort.

Mag alles wat ons aanpak, beplan en doen aansluit by die gedagte dat God in beheer is. Ons leef in `n selfgesentreerde wêreld, wat die teenoorgestelde leer, naamlilk dat ék en mý behoeftes die belangrikste is. Jesus het vir ons kom leer dat ons in onsself en ons selfgerigtheid moet sterf, voordat ons iets van die koninkryk van God kan verstaan. Mag ons lewe inderdaad `n offer aan God wees.

Groete
Ds Johan

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more