Liewe gemeente,

Ons dink steeds aan ons lewe as `n erediens, en om hierdie rede spandeer ons tyd aan die verskillende elemente van die tradisionele erediens. Vandag dink ons aan die lof en aanbiddings-element.

Ek dink aan die bekende Florandia-lied waar ons die Heilige Gees se inwoning in ons harte besing. Die lied bevat die mooi woorde: "U teenwoordigheid bring alle mense tot aanbidding (Florandia 90: Tempel van die Gees). Ons is gewoond om die lof en aanbiddings liedere tydens die erediens in te pas, maar weerklink dit regtig in ons lewens?

Die inperkingstyd leer ons hoe ons lewensuitkyk ons situasie bepaal. Ons kan óf kies om die donkerte en die onsekerheid raak te sien, óf ons kan kies om die mooi en opbouende raak te sien. Ons word elke dag gekonfronteer met slege nuus en donker vooruitsigte. Ons kan toelaat dat dit ons gedagtes oorneem, óf ons kan kies om die mooi óók raak te sien. Lof en aanbiddings geleenthede is elke dag rondom ons. Die uitdagings is om die mooi raak te sien en God te loof en dank daarvoor. Ek dink dikwels aan die keer wat ek saam met Sharon Malherbe en haar familie haar broer se begrafnisdiens bygewoon het. In die middel van die teraardebestelling het Sharon se ma spontaan "How Great Thou Art " (O Heer my God) begin sing. Dit het ons almal gehelp om sonder begeleiding hierdie roerende loflied in moeilike omstandighede te sing. Ons kry dieselfde element in die Psalms, waar die psalmdigter somtyds selfs kla, maar uiteindelik eindig met `n loflied wat God se grootheid besing. Kom ons leer om die goeie raak te sien en God te loof en dank daarvoor!

Groete
Ds Johan

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more