GEDAGTE VIR DIE DAG
WOENSDAG 12 AUGUSTUS

Die vyfde gebod is die eerste gebod wat handel oor ons verhouding met ons medemens. Dit is een van die min gebooie wat nie as ‘n verbod beskryf word nie, maar as ‘n positiewe opdrag. Dit gaan ook met ‘n belofte gepaard: as Israel hieraan gehoorsaam is, sal hulle lank bly leef in die land wat die Here aan hulle gee.

Buiten dat die bedoeling is dat ons ons ouers moet respekteer, strek die betekenis van hierdie gebod ook weier as net dit. Dit gaan ook oor respek vir mense in gesagsposisies. “Ouers” word dus in ‘n breër simboliese sin gebruik ten opsigte van mense wat oor ons aangestel is.

Ek glo dat dit dit dus ook verwys na die “staat” waarvan ons deel is. Ons moet respek hê vir byvoorbeeld die regering  wat aan die hoof van ons land staan. Jesus het ook na hierdie beginsel verwys toe hy gesê het dat ons aan die keiser moet gee wat hom toekom.

Die bedoeling is natuurlik nie dat  ons alles moet aanvaar wat die regering sê of doen nie, en dat ons nooit beswaar mag maak of kritiseer nie. Ons mag dit doen en ons moet dit doen. Ons mag nie stilbly as ‘n regering, in wat hulle doen, nie die beginsels van God se woord nakom nie. Die belangrike is dat ons kritiek steeds met respek gepaard moet gaan.

‘n Ander belangrike element van hierdie gebod is dat ons, indien ons self in posisies van gesag is, byvoorbeeld as ouers, of by ons werk, of waar ookal, so moet leef dat mense ons wel KAN respekteer. Ons kan nie verwag mense moet ons respekteer as ons nie die respek waardig is en verdien nie.

Natuurlik is dit ook waar dat ons alle mense moet respekteer, ongeag hulle posisies.

Ds Gerrie

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more