Liewe gemeente,

Een interessante nuusbrokkie het onlangs my oog getref: `n afgetrede Pastoor, Rick Milby,  se droom is om die hoogste kruis in die VSA te bou. Die poging is nie uniek nie. In die afgelope 30 jaar was daar ses pogings om die hoogste kruis te bou. Die vorige rekord was `n kruis van 214 voet hoog (65.2m). Milby se droom is om `n 230 voet hoë kruis (70m) te bou. In `n onderhoud het Milby genoem dat hy `n evangelie-droom met die projek koester. Hy droom dat mense na die kruis toe sal stroom, waar hulle hulleself sal bekeer en doop. Die visie strek eintlik verder. Hy visualiseer `n replika van die tuin van Getsemané en Jesus se graf.  `n Plan vir `n kapel waar huwelike bevestig kan word, is in die kiem gesmoor omdat daar versoeke vir selfdegeslag-huwelike kan ontstaan. Uit die aard van die saak wil mens nie sommer iemand se drome vernietig nie, maar ek wonder oor die evangelisasie-visie. Miskien moet ek dit liewer so stel: wat sou Paulus van die evangelisasie-visie gedink het?

Paulus het juis tyd gemaak om gelowiges te herinner om die evangelie in hulle lewens te verbeeld. Hy herinner ons dat ons `n tempel is wat God verteenwoordig (1 Kor 3:16;6:19). In 2 Korinthiërs 2:15 noem Paulus dat ons die evangelie soos `n aangename geur moet versprei. Later gebruik hy die beeld dat ons briewe van Christus is wat op ons harte geskryf is (2 Kor3). Óns is die evangelie. Paulus het juis gesukkel om gemeentes te oorreed om geld uit oorvloed te skenk aan die arm gemeentes (2 Kor 8-9). Ek wonder wat sou Paulus gedink het van die idee om geld aan `n kruis te spandeer. Terug by die kruis-blykbaar is daar reeds $250 000 (min of meer R5 miljoen) ingesamel vir die projek. Die fondasie alleen het 870 ton sement beloop. Wat sou Paulus met die geld en energie kon doen?


Groete

Ds Johan

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more