Liewe gemeente,


`n Video van die Nigeriese "profeet" T.B Joshua het onlangs die rondte gedoen. In die video-insetsel verkondig hy dat hy Coronavirus-pasiënte kan genees deur gebed. Op `n sekere deel in die video sê Joshua :"Never a sickness, never a disease Jesus cannot cure," . Ek moet darem byvoeg dat `n naskrif aan die einde verklaar dat dit nié beteken dat pasiënte moet wegbly van mediese sorg nie. Die video eindig waar baie mense verklaar dat hulle inderdaad genees is.


Hierdie tipe tema ontlok baie reaksie. Ons glo naturlik in God as geneser. Ons moet egter onthou dat siektes deel van die natuur uitmaak. Die natuur se gang, wat dood en lewe insluit, is nié noodwendig die vyand nie. Ek het baiemaal al genoem dat gebed nie altyd ons situasie verander nie, maar dat dit somtyds ons gedagtes rondom `n situasie verander. `n krisis help ons om nuut na onsself, God en ons medemens te kyk. Ek dink altyd aan die epsiode waar Jesus die storm stilmaak. (Mattt 8:23–27, Mk 4:35–41, Luk 8:22). Beteken dit dat storms boos is? Beteken dit dat daar gee storms meer mag wees nie? Nee, dit beteken bloot dat Jesus oor die natur heers, en dit is belangrik om dit in moeilike tye te onthou.


Ons het in ons huis `n kopskuif gemaak. Natuurlik bid ons vir siekes en mediese personeel, maar ons het `n tegniek gevolg wat ek jare terug in `n sielkunde-handboek gelees het(snaaks dat dit nie destyds `n impak op my gemaak het nie. Vandag dink ek egter baie daaroor). Die tegniek bepaal dat jy die "vyand" `n troetelnaam gee. Verkieslik met `n verkleiningsvorm. In ons huis het hierdie troetelnaam die term "Covid" vervang. Nou is dit nie meer ons vyand nie. Ons ignoreer dit nie, maar erken juis die realiteit. Ons praat en dink egter ánders daaroor.


Groete

Ds Johan



Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more