Liewe gemeente,


Ek was die afgelope tyd diep getref deur die verhaal (of soos die engelse sê: the rise and fall) van John Ortberg. Die droewige verhaal klink so: Ortberg was vir die afgelope 17 jaar die senior predikant van Menlo Presbiteriaanse kerk in Menlo Park, Kalefornië. Onder Ortberg se leierskap het die gemeente gegroei tot `n “Mega-kerk”, wat nogal`n prestasie vir tradisionele kerke soos die Presbiteriaanse Kerk is. Behalwe vir die feit dat hy `n briljante orator is, het hy sy naam gemaak met sy talle goed deurdinkte boeke. Ortberg se kwaliteit-boeke is `n rariteit in die geestelike boekmark, wat meestal gemik is op populêre temas. Die afgelope tyd het die suksesverhaal egter in `n tragedie ontwikkel. Een van die jeugleiers van die gemeente het aan Ortberg erken dat hy op `n ongesonde manier aangetrokke voel teenoor die jongmense wat hy bedien. Die haakplek was egter dat dit Ortberg se eie seun is wat die belydenis gedoen het-`n feit wat Ortberg nie aan die kerkraad geopenbaar het nie. Die gevolglike ondersoek van die kerkraad was op later getuienis meer `n toesmeerdery as `n behoorlike ondersoek, en die persoon kon uiteindelik voortgaan om die jongmense te bedien. `n Paar maande gelede het die bom egter werklik gebars toe een van Ortberg se ander kinders (wat aanvanklik die saak onder die kerkraad se aandag gebring het) met die sak patats vorendag gekom het. Nog `n ondersoek is geloods en Ortberg het uiteindelik laasweek bedank. Blykbaar was hy regtig oortuig dat sy seun nie gevaar vir die jongmense inhou nie, maar hy erken dat hy die saak verkeerd gehanteer het. Ortberg skryf verder dat hy die vertroue met die gemeente gebreek het en dat hy nié sy rol as pa en sy rol as gemeente-herder in hierdie geval kon balanseer nie.


Uiteindelik het die verhaal baie hartseer momente. Ek het onmiddelik aan Eli gedink, wat óók gesukkel het om sy rol as pa en as priester te balanseer ( 1 Sam 2). Wat eintlik my die meeste getref het, is die gewaarwording dat ons ál ons keuses gevolge dra. Ek het hierdie naweek op Menlo Church se webtuiste rondgelees en op baie briewe afgekom waar ouers hulle kinders uit die jeuggroepe wil uithaal, omdat die vertrouensband volgens hulle té veel skade gelei het. Ons besluite, ons keuses maak saak-en raak uiteindeik baie ander mense. Ons kan dit nie genoeg besef nie.

Groete

Ds Johan

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more