Liewe gemeente,


`n Onlangse artikel het my nogal diep laat nadink or wat die afgelope 5-6 maande aan ons jeugbediening gedoen het. Hier verwys ek nie nét na Florandia nie, maar na die kerk in die breë. Volgens hierdie artikel, wat gebaseer is op navorsing van Dinkjeug ’n inisiatief van die Jeug- en Familiebediening Taakspan van Wes-Kaapland, was die inperkingstyd goed vir jeugbediening, omdat die verantwoordelikheid vir geloofsvorming op die ouers se skouers moes val. Nog `n verrassende aspek van die artikel is die fet dat die gemeentes materiaal ontwikkel het om die ouers te help om hierdie rol te vervul. In ons eie sinodale streek het die klem die afgelope tyd verskuif na huisgeloof, wat op dieselfde neerkom, naamlik dat die ouers die primêre rol van geloofsvorming moet dra. Hierde beginsel kom al van die Bybelse tye (lees gerus Deuteronimium 6:1-19 en oordink dit)). Die kerk of geloofsgemeenskap moet op `n sekondêre vlak `n belangrike rol speel, en ons wil dit glad nie ontken nie, maar die ouers bly die rolmodel waarmee jongmense assosieer.


Van die vroegste tye af het jongmense op `n vroeë ouderdom getrou en begin werk. Vandag is ons kinders tot op 18 jaar in die skool, en somtyds daarna nog `n paar jaar op `n tersiêre vlak as studente. In die middeleeue het jy na jou pa se beroep gekyk en jy moes by hom leer, of dit nou `n bakker of `n ystersmid, of wat ookal was. In terme van verhoudinge, moes hulle aan die hand van ouers se verhouding leer hoe om teenoor die teenoorgestelde geslag op te tree. Dit het nog nooit verander nie.


Ons leer ons belangrikste lesse in moeilike tye. Die grendeltydperk het ons inderdaad weer bewus gemaak van die belangrike rol van ouers in ons kinders se geloofsopvoeding. Kom ons bid vir ouers om hierdie taak met wysheid deur te voer.


Groete

Ds Johan

















































Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more