Liewe gemeente,


Ek kyk onlangs na `n video-insetsel van die Indiese skrywer, Arundhati Roy (sien skakel heel onder). Sy lees voor uit `n boek van essays wat eersdaags verskyn, getiteld Azadi: Freedom. Fascism. Fiction. Die spesifieke essay is getiteld "The pandemic is a Portal". In hierdie treffende essay beskryf sy hoe ons almal redes soek vir die huidige pandemie (chinese komplot? God se straf? die natuur se wraak?, ensovoorts). Verder probeer ons om terug te keer na normaal, en sodoende die toekoms weer te bind aan die tyd vóór die pandemie, asof dit nooit plaasgevind het nie. Dit kán egter nie, of soos sy dit stel: " a rupture exists". Volgens Roy het pandemies nog altyd mense gedwing om nuut te dink. Sy sien die pandemie as `n poort ("portal") na `n nuwe begin: "We can choose to walk through it, dragging the carcasses of our prejudice and hatred, our avarice, our data banks and dead ideas, our dead rivers and smoky skies behind us. Or we can walk through lightly, with little luggage, ready to imagine another world". Die beeld wat vassteek, is dié van `n nuwe wêreld.


Hierdie essay het my laat dink aan die Paulus. In Grieks kry ons twee terme vir ons woord "nuut". Eerstens is daar neos. Die woord klink soos "nuus," en dit beskryf iets wat inderdaad maar van korte duur is. Nuus word vinnig ou nuus. Die tweede term, kainos, kom in Paulus se briewe in die konteks van `n nuwe skepping voor (Kol 3:10; 2 kor 5:17, 2kor 3:6; Heb 9:15; ef 2:15). Hierdie is ingrypende vernuwing- `n nuwe skepping.


John Ortberg noem dat God nooit verwag dat ons net moet blý nie. Hy maak deure oop en vra ons om deur te stap. Hierdie beeld bring ons terug by Arundhati Roy se essay. Wat kan gebeur as ons christene die pandemie werklik as `n poort na `n nuwe wêreld sien? Die nuwe skepping, die vernuwing waarvoor ons so lank gebid het? Wat vra dit van ons?


Groete

Ds Johan

skakel na video : https://www.youtube.com/watch?v=7hgQFaeaeo0

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more