Liewe gemeente,


Na aanleiding van gister se oordenking, wil ek vandag uit `n ander hoek na gelowigwees en kerkwees kyk. `n Onrusbarende artikel het onlangs bewoord wat ons lankal hoor, naamlik dat ál hoe meer jongmense die Duitse Evangeliese Kerk verlaat, en dat hulle ál hoe meer weier om hulle kerkbydrae te betaal. In Duitsland werk die sisteem anders. As jy met geboorte as `n lid van die kerk geregistreer word, beteken dit dat jou kerkbydrae outematies by jou belasting gehef word. `n Klomp jongmense probeer egter hierdie verantwoordelikheid vryspring deur of uit die kerk te bedank, óf om te eis dat hulle self bepaal hoeveel hulle aan die Kerk wil bydra.


Die dieper tendens is egter belangrik. In 2019 het 542 000 mense (hoofsaaklik tussen 20 en 35 jaar oud) uit die evangeliese en Rooms-Katolieke kerke bedank. In `n 2014 studie het die kerkbelasting egter die sesde plek ingeneem in die lys van redes waarom jongmense die kerk verlaat. Die grootse rede blyk te wees dat die kerk net nie relevant in die samelewing is nie. In `n ander studiestuk word 11 aspekte genoem waaraan die kerk sal moet aandag gee om relevant te bly. Dit sluit in: openheid, vroomheid, sending, eku­mene (skakeling met ander Kerke), digitalisering, kerkontwikkeling, saamhorigheid, kerkwerkers, leiding, struk­­ture en desentralisering(om bv mag van `n sinodale struktuur te verskuif na gemeentes).


Om weer terug te keer na gister se gesprek: ons kan maklik die vinger na hierdie jonger generasie te wys, maar die tendens se wortel lê waarskynlik baie dieper. Hoe lyk die ouerhuise waar hierdie mense groot geword het?


Groete

Ds Johan



Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more