Liewe gemeente,


Ons het hierdie week `n paar uitdagings, asook `n paar mooi ligpunte rondom kerkwees bespreek. Deur die week kon ons hoop vind in gewone mense wat as gelowiges `n verskil in die wêreld maak. Vandag wil ek dit saamvat met `n ander beeld na aanleiding van `n aanhaling van Phillip Pullman, die bekende Britse skrywer van kinderboeke.


Pulmann skryf: We don’t need a list of rights and wrongs, tables of dos and don’ts: we need books, time, and silence. Thou shalt not is soon forgotten, but Once upon a time lasts forever.” . Ek vermoed dat hy hier na die Tien Gebooie verwys in terme van `n lys van reëls en regulasies. Die ironie is egter dat die Tien Gebooie juís deel van `n verhaal of narratief uitmaak! Israel word bevry uit Egipte en is op pad na die Beloofde Land. Daar in die woestyn ontvang hulle dan die Wet, wat deel van hierdie groter verhaal uitmaak.


Die Kerk is deel van God se verhaal. As die lewe bietjie kwaai druk, haal ek my kopie van "How Christianity Changed the World " (Alvin J Schmidt) van die rak af en verdiep myself daarin. Hier lees ons die verhaal van gewone mense wat op hulle beurt deel van God se groter verhaal geword het. Hierdie mense en hierdie verhaal het letterlik die wêreld verander. Ons is deel van `n verhaal, en enige verhaal het maar goeie en minder goeie hoofstukke. Verhale kan egter óórgeskryf word en verhale kan bly leef lank nadat die skrywer nie meer met ons is nie. Dit is hartseer dat baie mense `n negatiewe prentjie van kerkwees het, want kerkwees is eenvoudig die manier waarop God sy verhaal met die wêreld deur gewone mense voortsit. Wat `n voorrreg om dit te kan bely!


Groete

Ds Johan

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more