Dagstukkie 13 Okt 2020.


Liewe Gemeente

Jare gelede was Pop besig met haar finale sielkunde eksamens. Die eksamenlokaal waar sy die spesifieke vak moes skryf was in die Pierneefsaal en dit was op n Saterdag oggend 8 uur. Ek het haar daar afgelaai en ek was nie lus om weer huistoe te ry en later terug te kom nie en het gewonder wat om te doen om die tyd om te kry want dit was n drie uur vraestel. Oppad het ek gesien daar naby is n laerkool waar iets aangaan en ek besluit toe om te gaan kyk wat daar gebeur.

Dit was toe n atletiek byeenkoms en ek kry vir my ‘n sitplek op die pawiljoen. Ek het die oggend baie geniet, lekker gekuier met die ouers om my, lekker hande geklap vir al die wenners en toe gebeur iets wat tot vandag my lewe verryk het en my ook n paar dinge anders laat doen het so met die tyd.

Die groter seuns tree toe aan vir die 1200m. Onder die atlete was daar so n klein outjie wat ook deelneem. Ek het so n paar “ag siestog, gaan hy ook deel neem” opmerkings gehoor wat gemaak is uit simpatie vir die oudtjie, want hy was regtig klein en het nie eers by die ander se skouer gekom nie.

Al die atlete is so in die wedloop van agteraf by die oudjie verby en toe die voorste groep die wenstreep oorsteek toe het die oudjie nog n volle rondte om te voltooi, maar hy kyk nie links of regs nie, hy fokus op die baan en hy hardloop.

Toe gebeur die mooiste ding. Die wen groep het nie gestop om eers ingedeel te word in hul wenplekke nie, hulle het net aangehou hardloop tot by die oudjie en soos met n erewag saam met hom gehardloop en met elke tree hom aangemoedig, jy kan, jy kan, jy kan. Die hele palwiljoen het mal gegaan, voete gestamp en saam met die groep die oudjie aangemoedig, jy kan, jy kan, jy kan en toe hy die eindstreep haal het die groter seuns hom op hul skouers getel en vir hom ge-hiep-hiep-hoera!!!

Ek het nog nooit soveel mense gesien wat sneesdoekies en sakdoeke uithaal om trane af te vee nie.

Toe ek daar wegry het Heb 12:1 deur my kop gemaal en ek het gedink dit is soos ons as kerk moet wees.

HEBREËRS 12:1
Terwyl ons dan so 'n groot skare geloofsgetuies rondom ons het, laat ons elke las van ons afgooi, ook die sonde wat ons so maklik verstrik, en laat ons die wedloop wat vir ons voorlê, met volharding hardloop,

Liewe Gemeente om ons naaste lief te hê beteken mos dit, om eers seker te maak almal is veilig tuis, almal het die wedloop voltooi sodat almal saam die oorwinnaars prys kan ontvang. Ek wil vandag ook vir jou sê: “Jy kan, jy kan!!”

Hardloop dan met volharding en kom ons wees mekaar se aanmoediging.

Vrede vir jou.

Cois.







Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more