Liewe gemeente,


Ek deel vandag `n paar gedagtes rondom die bekende twee-paneel kunswerk van Jan van Eyck, getiteld: The Crucifixtion and the Last Judgement diptych”. Hierdie skildery is waarskynlik in 1440-1442 voltooi en elke paneel is maar 22 duim hoog en 8 duim breed. Nogtans is daar baie detail in hierdie klein formaat. Kenners meen dat hierdie twee panele oorspronklik `n middelste paneel omraam het, wat nou verlore is. Ek wil graag op die dubbel-tema van die skildery fokus. Kom ons kyk egter eers na in detail na die twee panele.


Die linkerkantste paneel beeld die kruisiging uit. Die kruis is in die agtergrond,met die prentjie van van Jerusalem (in die moosie detail!) in die verte. In die voorgrond sien ons Maria (in die blou rok) wat inmekaarsak van die hartseer, terwyl Johannes haar probeer regop hou. Regs van hulle is Maria Magdalena, `n toonbeeld van paniek en weerloosheid. Sy is die enigste persoon in die paneel wat reguit na Jesus kyk. In die middel sien ons hoe die mense op die voorgrond se gesigte (skok en hartseer sigbaar)- deur die skild van die soldaat gereflekteer word. Ons merk ook die Joodse skrifgeleerdes en tempelpersoneel. Die paneel reflekteer die oomblik van Jesus se dood.


Die regterkantse paneel omvat die oordeel. Die opgestane Jesus triomfeer bo in die paneel saam met engele. Kyk mooi na die wonde op sy hande en voete, asook die wond in die sy, wat ons kan sien in die opening in sy kleed. Ondertoe is daar net dood. Geen daglig is sigbaar in die onderwêreld nie. Die dood, omvat in die beeld van die geraamte, strek oor die dooies. Let op die hooftooisel van een van die verlorenes, wat soos dié van `n pous of biskop lyk.


Kan ons God beskryf met hierdie twee eienskappe? Aan die een kant genade en aan die ander kant oordeel? Is hierdie twee kante van God? Hoe pas dit in die beeld van `n God van liefde? Ek wil die res van die week rondom Bybelse tekste gesels wat ons kan help om hierdie beeld beter te verstaan.


Ds Johan



Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more