Liewe gemeente,

Ons dink vandag aan die bekende gedeelte in Miga 6:6-9. In hierdie gedeelte vra die teks wat ek sal saamvat as ek voor die Here gaan kniel. Sal ek my vee, of selfs my eersgeborene vir Hom offer?Die antwoord kom in vers:"8 Mens, die Here het jou bekend gemaak wat goed is: Hy vra van jou dat jy reg sal laat geskied, dat jy liefde en trou sal bewys, dat jy bedagsaam sal lewe voor jou God".



Hierdie woordjie “reg” in die sin van reg en geregtigheid, kom dwarsdeur die profeteboeke voor. Hierdie was die praktiese, die sigbare van hulle verhouding met God-dat hulle reg en geregtigheid sal geskied orals waar hulle gaan. Ek dink dat ons te maklik die christenskap in `n dogma verander het. Hier lê egter die kern van `n verhouding met God:dat dit `n verskil sal maak in die wêreld rondom ons.


Ek dink veral terug aan die Reformasie, die tyd toe die `n klomp gelowiges weggebreek het van die Rooms-Katolieke Kerk. Uit die aard van die saak was baie van die sake waaree hulle geworstel het, dogmaties van aard. Dink maar aan die nagmaal, redding en die voorsieningheid van God-alles swaar en abstrakte sake. Nogtans skryf een van die bekende hervormers, Johannes Calvyn, oor hierdie woordjie "geregtigheid" en hy noem dit letterlik `n manier van aanbidding. Hierdie gedagte strek tot by Calvyn se siening van die Tien Gebooie. Hy beskou dit nié as harde, kliniese, reëls nie, maar as `n manier van leef. Hy skryf oor die gedagte om God en jou medemens lief te hê (die kern van die Tien Gebooie) soos volg: “(to)live in such justice and equity with our neighbors that we demonstrate thereby that we are true children of God.”


Terug by Miga. God verwag nie offers en beloftes nie. God verwag dat ons geloof in Hom êrens sal oorgaan. Dat ons sal lééf en `n verskil maak.

Groete

Ds Johan

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more