Liewe gemeente,


Ons kyk vandag weer na Eksodus 34:6-7, waar God se karakter in terme van oordeel en genade beskryf word. Vandag kyk ons hoe hierdie vers in die Psalms geinterpreteer word.


In Psalm 85:16 lees ons: "U, Here, is 'n barmhartige en genadige God, lankmoedig, vol liefde en trou". Hierdie woorde vind plaas waar die psalmdigter `n petisie of versoek na die Here bring. Die psalmdigter is hulpeloos en arm (v1) en smeek om genade. In vers 15 beroep hy homself op God se genade. Let op dat gedeelte waar God se oordeel beskryf word (Eksodus 34:7) nié hier aangehaal word nie. God se genade word eerder beklemtoon.


Psalm 103:8 lees: "Barmhartig en genadig is die Here, lankmoedig en vol liefde". Hierdie is `n lofpsalm wat God loof en prys vir wat Hy ís en doén. Die volgende vers verduidelik iets van God se genade: "Hy sal ons ons sonde nie bly toereken en nie vir ewig toornig bly nie". Weereens is daar geen verwysing na God se oordeel in hierdie gedeelte nie.


Psalm 145:8 is nog `n voorbeeld:" Genadig en barmhartig is die Here, lankmoedig en vol liefde". Hierdie Psalm beskryf God se genade oor die hele skepping. In die oorspronklike Hebreeus kom die woordjie “al” wat die hele skepping beskryf, 16 maal voor. In vers 9 lees ons: "Die Here is vir almal goed en barmhartig oor alles wat Hy geskep het". Weereens is daar geen aanduiding van die wraak of oordeel wat ons in Eksodus 34:7 raaklees nie.


Die Psalms beklemtoon dan God se genade as `n samevatting van sy karakter. Ons het dit gister by die Jona-verhaal ook gesien hoe God se genade in daardie geval swaarder geweeg het as sy oordeel. Daar bly nog egter `n vraag oor: wat maak ons met die Eksodus 34:7, wat die oordeel-karakter van God beskryf? As God net vol genade en liefde is, waarom is daar `n teenpool van hierdie genade in vers7? Ons gaan môre hierdie vraag probeer beantwoord deur vir oulaas na Eksodus 34 te kyk.


Groete

Ds Johan


Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more