GEDAGTE VIR DIE DAG

DONDERDAG 5 NOVEMBER


Job 5:1-7

Is alles wat met my gebeur regverdig?


Elifas sit sy gesprek met Job voort. In die eerste plek sê hy vir hom dat dit nie veel gaan help om verbitterd te wees nie, want niemand gaan na hom luister nie. Hy is selfs bietjie sarkasties as hy insinueer dat daar nie eers 'n engel is wat hom kan help nie. Waaroor gaan die hele argument? Job glo dat hy onskuldig deur God "getreiter" word (Job 3). God is onregverdig in die wyse waarop Hy hom hanteer; hy het mos niks verkeerds gedoen nie. Elifas, daarenteen, suggereer baie duidelik dat Job nie moet dink dat hy so onskuldig is nie. Om dít te verstaan, moet ons begryp dat Elifas een van die mense van sy tyd was wat geglo het dat dít wat met jou gebeur, die gevolg is van iets wat jy gedoen het. Anders gestel: as 'n mens A doen, gaan B met jou gebeur; omgekeerd, as B met jou gebeur, dan is dit omdat jy A gedoen het. Daar word gewoonlik na hierdie tipe denke as sisteemwysheid verwys. Vandag besef ons dat dit 'n baie gevaarlike siening is. Ons kan nie bloot sê dat (iets slegs) wat met my gebeur direk die gevolg is van iets (verkeerds) wat ek gedoen het nie. Daarom is Elifas se "verduideliking" ook nie vir Job aanvaarbaar nie.


Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more