Ek lees `n meesleurende artikel (What W.H. Auden taught me about Easter, God and surviving a season of Covid-19: https://edition.cnn.com/2020/04/09/opinions/easter-coronavirus-wh-auden-parini/index.html) deur Jay Parini, `n digter en skrywer. Hy vertel dat hy oor die Paasnaweek teruggedink het aan `n insident wat 50 jaar terug plaasgevind het. Hy het as `n student by Oxford Unversiteit `n paniekaanval gekry. Terwyl hy natgesweet en verward op `n bankie op die kampus sit, kom die digter W.H Auden daar verby hy vra wat is fout. Uiteindelik nooi hy Parini na sy woonstel, gooi vir hom `n drankie in en noem dat hy in sy lewe twe dinge geleer wat hom elke dag dra. Die eerste is dat tyd nie bestaan nie. Auden verwys na Johannesevangelie se eerste hoofstuk waar Jesus (die Woord) al voor die skepping bestaan het. Dit beteken dat die hede,verlede,toekoms nie regtig bestaan nie. Tyd is noú. Auden se tweede stukkie raad is"Rest in God". Parini vertel dat hy jare ná die insident die diepte van hierdie woorde begryp het. Ek dink veral aan die “Rus in God' gedagte. Ons kry veral in Deuteronomium en Josua die begrip dat God Israel gehelp het teen die vyande en dat hulle nou sal "rus van hulle vyande”. Rus het dan te make met vrede ná oorwinning. Raak rustig, kry vrede in jou hart. God het oorwin.

Parini eindig sy artikel met die woorde" Resurrection thinking has never seemed more relevant". Ons het hierdie naweek iets beleef van die feit dat die opstanding alles moontlik maak. Die idee van die opstanding het generasies van gelowiges gehelp om sin te maak van die hiér en die noú. Jesus het die dood oorwin, en daarom kan ons bly hoop in tye van duisternis. Die opstanding van Jesus is nie maar net `n geloofbelydenis of selfs`n histories feit nie. Dit is iets wat my denke, my gemoed en lewe elke dag bepaal.

Mag julle vrede en hoop beleef in hierdie tyd.
Ds Johan

Comments

Post a Comment

Popular posts from this blog

Liewe gemeente, Ek kry nooit regtig kans om my kat dop te hou nie. Gewoontlik kom ek laat in die middae by die huis, en sodoende het ek geen manier om te weet hoe sy dag benader nie. Nou het ek egter baie tyd, en ek staan verstom oor sy erg roetine-gedrewe dag program. Hy loop elke dag die selfde paaie, en ek kry hom sekere tye van die dag op spesifieke plekke in die tuin. Hy is só stiptelik in sy program dat ek my horlosie volgens hom kan instel. Ek besef al hoe meer hoe die inperkingstyd my óók gedwing het om `n strenger roetine te volg. `n Groot deel van die dag bestaan uit skoolwerk. Dan is daar dagstukkie skryf, kosmaak, preke skryf en navorsing. Ek kry selfs meer tyd om baie meer gestruktureerd geestelike boeke te lees. Boonop kry ek tyd vir meer geordende stiltetyd. Dit het my laat dink... Jare terug het Gordon MacDonald `n boek gepubliseer wat in Afrikaans vertaal is met "` n Tyd vir Orde" . MacDonald het in dié boek beklemtoo...
Read more
Liewe gemeente, In een van my oordenkings het ek verwys na Romeine 12 en die gedagte van ons lewe as `n erediens. Ek wil hierdie week die gedagte uitbrei deur na die onderskeie elemente van die erediens te verwys. Deur hierdie oordenkings wil ek by die vraag uitkom: "Hoe kan ek `n erediens wees as ek nie fisies tussen ander gelowiges kan wees nie?" Ek wil vandag by die Wet begin. Ons verwys dikwels na die die Tien Gebooie as die Wet, alhoewel die Wet eintlik `n baie breër idee omvat. Die eerste gebod ( Jy mag naas My geen ander gode hê nie) is in `n sekere mate die opskrif, of die gedagte wat ál die gebooie vasvat. Anders gestel; die ander gebooie val in plek as die eerste gebod tot sy reg kom in my hart. Dit was `n blye dag vir my toe die boekwinkels vir die eerste keer weer oopgemaak het. My vreudge was nog groter toe ek `n kopie van Alan Greenspan se "Capitalism in America: A History " teen `n afslagprys raakgesien het. Greenspan w...
Read more
GEDAGTE VIR DIE DAG MAANDAG 7 SEPTEMBER Ek wil graag eerskomende Sondag hê dat ons saam Nagmaal gebruik by ons huise. Ek sal die besonderhede later in die week deurstuur. As voorbereiding daarvoor gaan elke dag ‘n Psalm as dagstukkie plaas, met die bedoeling dat ons dit lees en deel van ons gebed vir die week maak. In Psalm 8 besing Dawid die lof van God. Kom ons doen dit saam met hom. Lof aan die Skepper 1 Vir die koorleier: met musiek.`n Psalm van Dawid. 2 Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het! 3 Kinders en suigelinge besing die magtige werk wat U tot stand gebring het. So word u teëstanders, die vyande en wraakgieriges, tot swye gebring. 4 As ek u hemel aanskou, die werk van u vingers, die maan en die sterre waaraan U `n plek gegee het, 5 wat is die mens dan dat U aan hom dink, die mensekind dat U na hom omsien? 6 U het hom net `n bietjie minder as `n  hemelse wese gemaak en hom met aansien en eer gekro...
Read more